O Señor dos Aneis

 “There is only one Lord of the Ring, only one who can bend it to his will. And he does not share power.”Gandalf

Dos clásicos anglosaxóns contemporáneos, quizais poderíamos considerar

O Señor dos Aneis de J.R.R. Tolkien un dos máis coñecidos, máis versionados, máis citados ... Non podíamos deixar de adicarlle un tempo para profundar nel. Pola súa lonxitude e inabarcable nun club de lectura, se queremos adicar tempo a algunha obra máis.

Pero si que nos serviu para espertar o interese, familiarizarnos coa Terra Media e os personaxes e desfrutar do marabilloso  libro de ilustracións de Alan Lee.

Só chegamos a Rivendel, pero sen dúbida remataremos o libro e acompañaremos ao noso amigo Frodo nas súas aventuras e desventuras camiño de Mordor.

E agora qué?

Mira que nos leva tempo decidirnos sobre o que ler. Barallamos moitas posibilidades: "Dune" de Frank Herbert, as irmás Brönte, Jane Austen, Asimov...

Non é doado poñer de acordo aos membros tan dispares do club, que vai acollendo nova xente. Os exámenes interfiren nas reunións, e outros compromisos can dilatando a toma de decisión. Que resultará disto?

 By Patrick Branwell Brontë, Public Domain, https://commons.wikimedia.org/w/index.php?curid=230321

By Sophocle (Own work) [CC BY-SA 2.0 (http://creativecommons.org/licenses/by-sa/2.0)], via Wikimedia Commons

Beowulf

 

Non, desgraciadamente non podemos ler "Beowulf" na versión orixinal. Nin tampouco na traducción ao inglés moderno. O inglés antigo no que está escrito énos tan alleo ou máis que o grego ou o árabe.

Como na biblioteca temos unha estupenda sección adicada ao cómic e novela gráfica, coñecemos  o gran relato épico neste formato.

Máis Lovecraft

David e Alejandro déronnos a idea de ler a Lovecraft. Apaixonados dos comics, quixeron que leramos os "Fungos de Yugoth", e comezamos a coñecer nomes de deuses e monstros impronunciables. De alí á lectura dos relatos máis coñecidos non houbo máis que un paso.

A verdade e que os Mitos de Cthulhu gustáronos moito. A acertada introdución de Rafael Llopis deunos moita información sobre o universo destes relatos de "terror cósmico", e entendemos como non é obra dun só autor, mais ten precursores e relatos posteriores ao propio Lovecraft.

Aínda que o papel máis importante na invención dos mitos corresponde a Howard Phillips Lovecraft (1890-1937) outros autores como Lord Dunsany, Ambrose Bierce, R. W. Chambers, A. Machen o Algernon Blackwood, contribuíron ao seu desenvolvemento.

 

Destacamos só algúns dos relatos que nos deron máis que falar: "El Signo Amarillo", de Chambers, "El Wendigo", de Blackwood" "La Maldición que cayó sobre Sarnath",e  "La sombra sobre Innsmouth" de Lovecraft", que nos introduciron  no reino acuático dos semi-monstruos ou semi-humáns, e comezamos a entender o por que da atracción da mitoloxía lovecraftiana.

Un novo ano, novos membros

Lovecraft

Iste ano temos novos participantes no clube. Aínda que nos costou moito a posta en marcha, reunímonos de novo todos os mércores  no primeiro recreo para falar do que nos gusta ler e compartir un "tea with biscuits" virtual. Acompáñanos Irene, o que fai a reunión moito máis amena. Gracias pola túa colaboración.

Que é o que len os novos participantes do clube? David e Alejandro son fans do terror e a literatura fantástica. Con eles embarcámonos na literatura de Lovecraft e o seu círculo. Primeiro embarcámonos nos poemas oníricos dos "Mitos de Yugoth", lendo a versión inglesa e comparándoa coa traducción. Pero nos soubo a pouco e propuxémonos investigar un pouco máis, axudándonos da excelente introducción de Rafael Llopis aos "Mitos de Cthulhu" na edición de Alianza Editorial, e limos un par de contos que nos puxeron os pelos de punta. Velaiquí a Cthulhu.
Saudos.

REMATAMOS O CURSO: O VIOLONCHELISTA DE SARAJEVO

Nesta ocasión , Carlos suxírenos un libro máis recente. Aínda que no se pode enmarcar na categoría de "clásico", o tema tratado é dos máis clásicos da literatura de todos os tempos: a guerra.

Vedran Smailovic playing in the destroyed building of the National Library in Sarajevo, 1992. Photo by Mikhail Evstafiev

 
O libro toma como punto de partida o bombardeo da xente que fai cola nunha panadería, e a un violonchelista que decide interpretar o "Adagio" de Albinoni durante 22 días seguidos, un por cada unha das víctimas dese bombardeo, desafiando ás bombas e aos francotiradores.

The Martyrs' Memorial Cemetery Kovači for victims of the war in Stari Grad, by Michael Büker

Enlazando esa historia coa doutros habitantes da sitiada Sarajevo durante a guerra dos Balcáns, somos testemuñas do pesadelo que teñen que vivir as vistimas dunha guerra fratricida que agardamos non volva a repetirse.

O Señor da Moscas/ Lord of the Flies, de William Golding

Clásico libro de lectura nos colexios de secundaria dos países anglosaxóns, esta novela indaga nonos clarescuros da natureza humana. A historia dun grupo de rapaces que quedan illados sen adultos ao seu cargo deixounos un sabor amargo de perda de fe na inocencia da humanidade e fíxonos pensar na posibilidade da maldade innata, só salvada pola actitude e a entrega dos "heroes".

As súas versións cinematográficas non nos resultaron á altura da novela orixinal.